Мопедті қалай тіркеуге болады? - Тұрғылықты жеріңіз бойынша арнайы ХҚКО-ға жүгіну. - Жеке куәлікті ұсыну (электронды түрде де болады). - Техникалық құжатты немесе мопедтің сипаттамалары туралы мәліметтерді беру. - Өтініш толтырып, тексеруден өту. - Мемлекеттік бажды төлеу: - Тіркеу – 0,25 АЕК - Куәлік – 1,25 АЕК - Мемлекеттік нөмір – 1,4 АЕК Егер құжаттар болмаса не істеу керек? Егер VIN-код болмаса немесе шығарылған жылы белгісіз болса, ол тексеру барысында анықталады. Бұл жағдайда шығарылған жыл ретінде тексеру жылы есептеледі. Қандай жүргізуші куәлігі қажет? - А1 санаты – мопедті басқару үшін міндетті. - Егер сізде А немесе В санаты бар болса, олар да мопедті басқаруға құқық береді. Егер мопедті 5 сәуірге дейін тіркемесем не болады? Бұл күннен кейін тіркелмеген мопедпен жүруге тыйым салынады! Бұзушыларға ӘҚБтК 590-бабы бойынша 10 АЕК мөлшерінде айыппұл салынады. Еске саламыз! 2024 жылғы 3 қазанда ҚР Президенті Қасым-Жомарт Тоқаев осы өзгерістерді енгізетін заңға қол қойды. Енді мопедпен заңды түрде жүру үшін: ✅ Мопедті полицияда тіркеу ✅ Жүргізуші куәлігін алу (А1, А немесе В санаты) ✅ Техникалық тексеруден өту ✅ Сақтандыруды рәсімдеу